Carmina Burana Wenn Wir In Der Taverne Sind Lyrics

Wenn Wir In Der Taverne Sind Lyrics

In taberna quando sumus, 
non curamus, quid sit humus, 
sed ad lupum properamus, 
cui semper insudamus. 
Quid agatur in taberna, 
ubi nummus est pincerna, 
hoc est opus ut queratur, 
sed quid loquar, audiatur. 
 
Quidam ludunt, quidam bibunt, 
quidam indiscrete vivunt. 
Sed in ludo qui morantur, 
ex his quidam denudantur; 
quidam ibi vestiuntur, 
quidam saccis induuntur. 
Ibi nullus timet mortem, 
sed pro Bacho mittunt sortem: 
 
Bibit hera, bibit herus, 
bibit miles, bibit clerus, 
bibit ille, bibit illa, 
bibit servus cum ancilla, 
bibit velox, bibit piger, 
bibit albus, bibit niger, 
bibit constans, bibit vagus, 
bibit rudis, bibit magus. 
 
Bibit pauper et degrotus, 
bibit exul et ignotus, 
bibit puer, bibit canus, bibit presul et decanus, 
bibit soror, bibit frater, 
bibit anus, bibit mater, 
bibit ista, bibit ille, 
bibunt centum, bibunt mille. 
 
Parum centum sex nummate 
durant, cum immoderate 
bibunt omnes sine meta, 
quamvis bibant mente laeta. 
Sic nos rodunt omnes gentes, 
et sic erimus egentes. 
Qui nos rodunt, confundantur 
et cum iustis non scribantur.