A Oama Schlukka Lyrics

A Oama Schlukka

i bin nua a oama schlukka

und mei g`schicht` is traurig gnua

weu mei voda woa a schdrizzi

und mei muada woa a hua

und i hob scho von gaunz kla auf

in mein leb`n nix aundas g`leant

außa wia ma oidn muadaln

ean`re haundtaschln entfeant



owa bitte glaubts mas leutln

i bin goa ka schlechta g´söh

waumma auf die schiefe bahn kommt

gehts auf amoi ziemlich schnöh

waun die sun im west`n untageht

steh i auf da bruck`n duat

schau i`n taub`n üban wienfluß nach

und mecht` mit eana fuat



anno 1893 is da voda endlich g`schduam

auf`n naschmoakt haum`seam g`fund`n

in da gruab`n mit kraut und ruam

weg`n da muada ihra schwindsucht

woas am strich für sie vorbei

oiso bin i eisteig`n gaunga

aun an scheenan tag im mai



owa bitte glaubt`s ma`s leutl`n

i woit` goa nix behses tuan

nua mei messa des woa schnölla

und i hab in kopf valurn

wann de sun` im osten aufgeht

wear i untan galg`n steh

wann de rab`n schrein am laaerberg

daun tuat ma nix mehr weh



i bin nua a oama schlukka

und mei g`schicht` woa schnöh dazöht

weu i hab mein gaunzes leb`n laung

nie a tschanz g`habt auf da wöd

na, i hab mei gaunzes leb`n laung

nie a tschanz g`habt auf da wöd ...